4. Diario: O deseño curricular

O tema 4, como se explicou na anterior entrada de Dosier, versa sobre a teoría do deseño curricular, tanto da súa definición, dos seus elementos, das competencias básicas, dos graos de concreción curricular, e da temática do ensino das linguas estranxeiras tanto en Educación Secundaria Obrigatoria, Bacharelato, Formación Profesional e Ensinanzas de Réxime Especial, coma as Escolas Oficiais de Idiomas.

Toda esta teoría pode parecer irrelevante, pero nada máis alá da realidade: todo este contido serviranos para levar a cabo con éxito o noso labor como docentes. É imprescindible ter en conta o currículo para saber que contidos debemos impartir na aula e que competencias básicas debe desenvolver o alumnado para considerar que acadou triunfalmente os obxectivos preestablecidos. 

Chegados a este punto, é destacable que hoxe en día trabállase co aprendizaxe baseado en competencias, como estipula a  Lei Orgánica 8/2013, do 9 de decembro, para a mellora da calidade educativa (LOMCE). O deseño destas competencias básicas teñen como obxectivo ofrecer unha educación máis individualizada, flexible, ao ritmo do alumnado, cun maior control no progreso de aprendizaxe e unha maior centralización nas necesidades do alumnado. 

Algunhas das características básicas das competencias básicas son as seguintes:
- Transferibles. Poden aplicarse a múltiples contextos e situacións para conseguir distintos obxectivos, resolver situacións ou problemas variados e realizar diferentes tipos de traballos.
- Transversais e interdisciplinares. Pódense dar en diferentes áreas e materias curriculares xa que non son exclusivas.
- Integradoras. Combinan coñecementos (saber), destrezas (facer) e actitudes (querer).
- Dinámicas. Poden desenvolverse ao largo de todo o ciclo vital. 

Este modelo elimina o modelo tradicional co que os docentes estaban acostumados a traballar, onde a memorización de información, moitas veces irrelevante para a vida real, constituía os seus cimentos básicos. Pola contra, aprender competencias permite a súa aplicación non solo no ámbito académico, senón tamén no seu futuro laboral como traballadores profesionais e cidadáns éticos das novas sociedades que se queren constituír no mundo globalizado no que vivimos hoxe en día. 

Ademais, traballar por competencias permite un marco de actuación moi activo e participativo, e o alumnado pasa de ser un mero receptor a ser o propio protagonista do seu propio aprendizaxe. Isto carrexa infinidade de aspectos positivos, entre eles unha maior motivación, unha maior autonomía e unha maior ansia de coñecemento, mellorando proporcionalmente deste xeito a porcentaxe de éxito.

Como conclusión, pódese afirmar que ter un coñecemento completo e actualizado do que dita a lei vixente en cada momento cos obxectivos estipulados é imprescindible para desenvolver con éxito os nosos labores docentes, así como controlar o mellor xeito de aplicar a lei ás nosas unidades didácticas. Ademais, tendo en conta isto, tamén é importante que innovemos e poñamos en práctica novas metodoloxías na aula, tanto mediante o emprego das novas tecnoloxías coma doutros moitos recursos e ferramentas. 

Deixo a continuación un breve vídeo explicativo que pode axudar a comprender mellor que son as competencias básicas das que se fala nesta entrada: